Bók um norræn lýsingarverkefni

31. maí 2010

Norrænu ljóstæknifélögin vinna nú að undirbúningi á vandaðri bók um lýsingarhönnun á Norðurlöndunum. Í bókinni verða sagt frá og sýndar myndir af 25 af bestu verkefnunum í hverju landi, verkefnum sem sýna notkun hönnuðanna og túlkun á norrænu ljósi.

Hvernig verkefni er hægt að tilnefna?
Í bókinni verða verkefni frá tímabilinu 2000-2010. Leitað er eftir verkefnum sem nýta dagsljós, innanhússlýsingu eða utanhússlýsingu. Stærð verkefnis skiptir ekki máli en mikilvægt er að hönnuðurinn sé fæddur í eða búsettur í einu af Norðurlöndunum og verkefnið sé í norrænu landi.

Skil á tilnefningum:
Í tilefningu skal eftirfarandi koma fram: Heiti verkefnis, dags. þegar verkið var tekið í notkun, arkitekt, lýsingarhönnuður, eigandi/verktaki, staðsetning, lýsing á verkefni, stutt max. 200 stafir og lengri lýsing max 5000 stafir (lýsing á hönnunarlausn og tæknilegt yfirlit). Aðrar upplýsingar sem geta komið að gagni auk 2-3 mynda af verkefninu sem sendast með á jpg sniði. Að lokum þurfa að koma fram samskiptaupplýsingar um hönnuðu og arkitekt.

Mikilvægt er að senda inn tillögur að verkum í bókina í síðasta lagi 15. júní 2010.

Þær má senda til Guðjóns L. Sigurðssonar á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. og á Daða Ágústsson á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Nánar...

Kallað eftir fyrirlestrum á NordLED 2010

07. maí 2010

Norræna ljóstækniþingið, NordLED, verður haldið í Kaupmannahöfn 11.-12. nóvember. Er nú kallað eftir áhugasömum fyrirlestrum um eitthvað sem tengist ljóstvistum (led).

Þema þingsins eru ljóstvistar og eftirfarandi áherslur verða lagðar:

• LED – indoor lighting
• LED – outdoor lighting
• LED – technology, standards and research
• LED – lighting projects (Pecha Kucha)
• LED – discussion workshop

Útdráttur af fyrirlestrunum skal vera á ensku og vera lengst 250 orð. Að auki skal berast ferilskrá fyrirlesara.  Íslenskir fyrirlesarar skulu fyrst hafa samband við Guðjón L. Sigurðsson, formann LFÍ, Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Útdrætti skal senda eigi síðar en 1. júní nk. til Kenneth Munck, Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Sjá nánar á www.nordled.dk

Vel heppnaðir ljósadagar

26. mars 2010

Ljóstæknifélagið stóð fyrir Ljósadeginum 2010 í framhaldi af aðalfundi félagsins. Er þetta í fyrsta sinn sem slíkur dagur var haldinn og þótti hann takast vel og var almenn ánægja með hann.

Ljósadagurinn var haldinn í nýju húsnæði Háskólans í Reykjavík og flutti Ari Kristinn Jónsson, rektor skólans ávarp og bauð gesti velkomna. Sagði hann það heiður að fá að hýsa þennan viðburð enda væru allir stoltir af nýbyggingunni.