Sýning á tillögum í Ljóstvistasamkeppninni

16. febrúar 2010

Föstudaginn 26. febrúar nk. kl. 20 verður opnuð sýning á innsendum tillögum í samkeppninni um hönnun ljósgjafa sem notar ljóstvista sem haldin var í lok síðasta árs.

Verkefnið „Ljóstvistar“ hefur það að markmiði að auka áhuga og styðja hönnuði til að þróa lampa úr ljóstvistum til innlendrar framleiðslu. Þremur tillögum verður veittur styrkur til áframhaldandi þróunar, auk þess sem veittar verða viðurkenningar fyrir m.a. frumleika, útlit og gæði lýsingar. Sýningin á innsendum tillögum verður í sýningarsal OR – gallerí 100°.

Þar verða kynnt úrslit í keppninni og verðlaun afhent.

Guerilla mæting í kvöld kl. 19

28. nóvember 2009

Laugardalurinn í nýju ljósi er yfirskrift á verkefni Guerilla hópsins. Sjálfboðaliðar eru hvattir til að mæta kl. 19 í kvöld við inngang Laugardalshallar en lagt verður af stað frá bílastæðinu kl. 19.30.

Gangan tekur rúman klukkutíma og endar á Kaffi Flóru í Grasagarðinum. Þar verður boðið upp á heitt kakó til hressingar og myndasýningu þar sem afrakstur kvöldsins verður sýndur.

Gangan er öllum að kostnaðarlausu.

Hér má sjá myndir frá síðustu göngu. http://www.flickr.com/search/people/?q=iceguerilla

Myndir frá Lux Europa ráðstefnunni í Istanbúl í september

22. október 2009

Ellefta Lux Europa ráðstefnan var haldin í Istanbúl 9.-11. september sl. 328 þátttakendur voru skráðir á ráðstefnuna. Einn þátttakandi var frá Íslandi að þessu sinni, Ásta Logadóttir félagi í LFÍ.

Sjá má nánar um ráðstefnuna á www.luxeuropa2009.org og myndir má sjá hér.